الأحد، ١٨ أبريل ٢٠١٠

حكايات .. (زجل).


جرحتينى وبتألم ..
ومش قادر أنا أتكلم ..
لأن ما بيننا كان قصة ..
وكان حكايات ..
وكان الشوق بيتلاقى ..
ويرسم على الوشوش بسمات ..
ويملى علينا كل الكون ..
وكان الصعب بيننا يهون ..
ولو نزعل ..
كان الشوق ما بيننا جنون ..
وكان قلبي أنا عاشق بيهواكي ..
وكانت لهفة العشاق ..
في قلبي بشوق بتلقاكي ..
وحتى إن يوم جرحتيني ..
وسبتيني ..
عمري في يوم ما هنساكي ..
لأني يا عمري من شوقي ..
بحلف إني بهواكي ..
ونرجع تاني للحكايات ..
بستناكي تقوليها ..
ومن شوقي لهوى عيونك ..
مش هقدر يوم أحكيها ..
لأن جراحي من الذكرى ..
بتإلمني ..
ومش بعرف أداويها ..
ودمعة حزن في عيوني ..
نفسي في حضنك الدافي ..
من نفسي أداريها !