بنظرة عين ..
بشوف حبِك يطمنني ..
بشوف قلبِك يكلمني ..
بشوف نفسي ..
في هوى عيونِك ..
بعين الحب مش عادي ..
مع إني واحد عادي ..
جراح الشوق بتألمني ..
مش ساحر ولا عراف ..
ولا مصاحبلي كام جنِّي ..
ف مش هعرف ..
أجيبلك فيلا في مارينا ..
ومش هعرف ..
أجيب مركب ..
في كل الكون تدور بينا ..
ومش هعرف ..
أجيب هيفا مع نانسي ..
يغنوا في ليالينا ..
لكن هقدر أكون إنتِ ..
أكون نفسِك ..
أكون روحك ..
أكون فارس أمانينا ..
ما أنا عارفِك وعارفاني ..
ما أنا عاشقِك وحساني ..
ما أنا إللي هواكي خلاني ..
أعيش حلمي ..
وأعيش الدنيا من تاني ..
وأنا إللي بعد سنين من الأحزان ..
و مـ الغربة .. و مـ التوهة ..
لقيت في هواكِ عنواني!