الثلاثاء، ٣٠ نوفمبر ٢٠١٠

نظرة عين ..(زجل).


بنظرة عين ..
في قلب عنيكي في النِّني ..
بشوف حبِك يطمنني ..
بشوف قلبِك يكلمني ..
بشوف نفسي ..
في هوى عيونِك ..
بعين الحب مش عادي ..
مع إني واحد عادي ..
جراح الشوق بتألمني ..
مش ساحر ولا عراف ..
ولا مصاحبلي كام جنِّي ..
ف مش هعرف ..
أجيبلك فيلا في مارينا ..
ومش هعرف ..
أجيب مركب ..
في كل الكون تدور بينا ..
ومش هعرف ..
أجيب هيفا مع نانسي ..
يغنوا في ليالينا ..
لكن هقدر أكون إنتِ ..
أكون نفسِك ..
أكون روحك ..
أكون فارس أمانينا ..
ما أنا عارفِك وعارفاني ..
ما أنا عاشقِك وحساني ..
ما أنا إللي هواكي خلاني ..
أعيش حلمي ..
وأعيش الدنيا من تاني ..
وأنا إللي بعد سنين من الأحزان ..
و مـ الغربة .. و مـ التوهة ..
لقيت في هواكِ عنواني!

السبت، ١٣ نوفمبر ٢٠١٠

حدوتة .. (زجل)


في ليل سواده بيتخنق..
والحلم من حضن الأحبة ..
بكل قسوة بيتسرق ..
جِبت الحروف جنب الحروف فإتلخبَطِت ..
وكَتَبِت كلام غير الكلام وإتغيَرِت ..
فسألتها .. مسِّك جنون ؟
قالت عِشقت ..
وفي العشق ياما قلوب كتيرة إتحيرت
فاكر زمان لما هويت ..
وشفت الأميرة عشقتها ..
وبعلو صوتَك قلتها ..
أنا بعشقِك ..
بصِّت عليك بسخرية ..
وقالت فقير ..
والأغنيا غيرك كتير ..
ومن غير فلوس لو يوم تقف ..
وسط الرجال تبقى الأخير ..
قلت لها يومها ..
الحب عمره ما يوم يقف وسط الطابور ..
والعشق لو كان بالدهب ..
يبعد يغور ..
ده أنا قلبي أبيض م اللبن ..
مفيهوش شرور ..
ده أنا قلبي مليان بالحنين..
لو تعرفي معنى الحنين ..
لو تفهمي كلمة حنين ..
إتكلمي ليه السكات ..
إتكلمي ..
صحِّي القلوب التايهة ..
وسط الذكريات ..
إتكلمي ..
خلينا ننسى جراحنا م الأيام ..
وخلينا ننسى الماضى والحلم إللى مات ..
بَكِت الحروف على جرح قلبي ودمعته ..
قلتلها قدري ..
وأنا وقلبي لِعبِته ..
وإن كان الحب صحى فينا الذكريات ..
فمين هيقدر يوم .. يخالف رغبته ؟!

الجمعة، ١٢ نوفمبر ٢٠١٠

أحبكِ حسبي


وتأتين يوماً

لتسأليني في لهفٍ حنون

أنا لديكَ

ماذا أكون؟

الآن حبيبتي أجيبكِ

حين رأيتكِ

كان في عينيكِ حلماً

يرسم الأحلام التي

في عينيَّ تخنقها الشجون

كان في شفتيكِ نغماً

يعزف الألحان التي

على شفتيَّ يطويها السكون

عيناكِ آه منهما

بحرٌ

كيف صارت العينُ بحراً

وتنكرت لمكانها

وسط أكداس العيون

شفتاكِ آه منهما

فيهن شئٌ لا يخون

فيهنَّ طهر الراهباتْ

وسط دنيا تملؤها العرايا

وتدور فيها العاهراتْ

شفتاكِ غير الباقياتْ

شفتاكِ تختلفان

فيهن شئٌ لا يخون

غير أشباه النساء

غير البقايا الخائنات

وسط أزمان تخون

وحين عرفتكِ

علمتِني كيف أعيش أشواقي

لأنسى جرحاً

مازالت

تحرق الإنسان في أعماقي

وقت أن لملمت ما تبقى من حطامي

ووقفتُ أنتظر القطارْ

كالطير يُسقط دمعه

من لهيب الحبِ

أو عذاب الإنتظارْ

فرأيت قلبكِ مسكناً

ورأيت حبكِ مخرجاً

من دروب اليأسِ

وسطوة الليل الكئيبِ

على ضوء النهارْ

حبيبتي

أبعد هذا يا نور عمري

تسأليني في سكون

أنا لديكَ .. ماذا أكون؟

الأحد، ٧ نوفمبر ٢٠١٠

خلطبيطة .. رواية مملة .. جداً


الشخصيات:

أ ب س ص

الحكاية :

الفصل الأول


أ يحب س
س تحب ب
ب يحب ص
ص تحب أ

الفصل الثاني

أ لا يثق فى س
ب يحقد على أ
س تكره ص
ص تتهرب من ب

الفصل الثالث

أ ب س ص

عالمنا العربى وصراعات لا تنتهي ..

حد فاهم حاجه ؟؟!