الثلاثاء، ١٠ أغسطس ٢٠١٠

دندنة .. (زجل)


أنا لسه فاكر كلمة حب قلناها زمان ..
يومها لمحت في العيون المكسوفين
بركان حنان ..
ليه إنهارده بكل قسوة بنبتعد ؟
وليه قلوبنا على العهود
ملهاش أمان ؟!

السبت، ٧ أغسطس ٢٠١٠

غرق


جحيمٌ ثائرٌ يحيا ..
في رأسي المحموم المنهك ..
تتهاوى كل الأفكار ..
أحيا .. أو أرحل ..
أو أعشق ..
ففي بحر عينيكِ ..
تتضائل كل الأحلام ..
تفني .. تتوارى ..
أو تُحرق ..
فإما أن أسبح في صمتٍ ..
ضد التيار ..
وإما يا عمري ..
أن أغرق !

الاثنين، ٢ أغسطس ٢٠١٠

إتألمي ..(زجل).


حاسس بجرحك صدقيني ..
وعارف العذاب إللي إنتي فيه ..
لكن كمان .. غدر الزمان ..
الدور عليكي تجربيه ..
بعد الوداع ..
كانت جراحي بتترسم وسط العدم ..
بركان ألم ..
بينفجر بين الضلوع ..
وكانت حماقة قصتي ..
إني إفتكرتك دنيتي ..
وداريت عليكي جوه حضني ..
من الجراح ومن الألم ومن الدموع ..
ملقيتش منك غير وجع وغير جراح ..
وغير أماني بتنكسر ..
في ليل طويل ملهوش صباح ..
وكانت مشاعري بتندهك ..
ورغم القساوة إللي في عيونك ..
كنت لسه بصدقك..
لكن خلاص ..
دلوقتي حلمي ..
مع حد غيرك أكمله ..
وأتأمله ..
وهحس إني بعد منك لسه عايش..
فأبتسم ..
مش بعد منك هنكسر ..
مش بعد منك هنهزم ..
لكن هعيش ..
وهسيبلك إنتى الذكريات ..
تحسي بيها وتحلمي ...
بكلمة حب تنطقها شفايفي ..
تشتاقي ليها وتندمي ..
مش كنتي ياما بتوجعي ؟
الدور عليكي أتألمي !