الثلاثاء، 30 نوفمبر 2010

نظرة عين ..(زجل).


بنظرة عين ..
في قلب عنيكي في النِّني ..
بشوف حبِك يطمنني ..
بشوف قلبِك يكلمني ..
بشوف نفسي ..
في هوى عيونِك ..
بعين الحب مش عادي ..
مع إني واحد عادي ..
جراح الشوق بتألمني ..
مش ساحر ولا عراف ..
ولا مصاحبلي كام جنِّي ..
ف مش هعرف ..
أجيبلك فيلا في مارينا ..
ومش هعرف ..
أجيب مركب ..
في كل الكون تدور بينا ..
ومش هعرف ..
أجيب هيفا مع نانسي ..
يغنوا في ليالينا ..
لكن هقدر أكون إنتِ ..
أكون نفسِك ..
أكون روحك ..
أكون فارس أمانينا ..
ما أنا عارفِك وعارفاني ..
ما أنا عاشقِك وحساني ..
ما أنا إللي هواكي خلاني ..
أعيش حلمي ..
وأعيش الدنيا من تاني ..
وأنا إللي بعد سنين من الأحزان ..
و مـ الغربة .. و مـ التوهة ..
لقيت في هواكِ عنواني!

هناك 9 تعليقات:

غادة يقول...

بتمنى أكون اول واحدة تقرا كلماتك دي
عمرو دائما مبدع ومتألق في كلماتك
واحساسك الرائع

زهرة بريئة يقول...

رائعة يا عمرو ودمها خفيف جدا

Dr/ walaa salah يقول...

جميله اوي يا عمرو

كلماتها رقيقه اوي ورومانسيه جداً

اشكرك وفي إنتظار جديدك دائماً

Amr Essam يقول...

غادة ..
ميرسى على رأيك .. اسعدتينى فعلاً .. أنا ممكن أقولك إنك صاحبة أول تعليق لكن مقدرش أجزم أنك أول من قرأها .. على كل حال إعجابك بكلماتى فخر لي .. شرفني مروركِ الرقيق

Amr Essam يقول...

زهرة بريئة

ميرسى يا زهرة ورأيك أسعدني جداً

Amr Essam يقول...

د. ولاء صلاح

تعليقكِ الرقيق أسعدني للغاية .. ومروركِ المستمر ومتابعتكِ الدائمة فخرٌ لي .. تشرفت بمروركِ الرقيق

بحر يقول...

شوف يا عمرو هي جميله جدااااااااا طبعا
بس انا متاكده ان انت اللي مش عادي مش الحب هو اللي مش عادي :);)

بحر يقول...

شوف يا عمرو هي جميله جدااااااااا طبعا
بس انا متاكده ان انت اللي مش عادي مش الحب هو اللي مش عادي :);)

Amr Essam يقول...

بحر
طبعاً مش محتاج أقولك إنى متأكد إن تعليقاتك بتسعدنى .. شرفنى وأسعدني مرورك الرقيق