السبت، 13 نوفمبر 2010

حدوتة .. (زجل)


في ليل سواده بيتخنق..
والحلم من حضن الأحبة ..
بكل قسوة بيتسرق ..
جِبت الحروف جنب الحروف فإتلخبَطِت ..
وكَتَبِت كلام غير الكلام وإتغيَرِت ..
فسألتها .. مسِّك جنون ؟
قالت عِشقت ..
وفي العشق ياما قلوب كتيرة إتحيرت
فاكر زمان لما هويت ..
وشفت الأميرة عشقتها ..
وبعلو صوتَك قلتها ..
أنا بعشقِك ..
بصِّت عليك بسخرية ..
وقالت فقير ..
والأغنيا غيرك كتير ..
ومن غير فلوس لو يوم تقف ..
وسط الرجال تبقى الأخير ..
قلت لها يومها ..
الحب عمره ما يوم يقف وسط الطابور ..
والعشق لو كان بالدهب ..
يبعد يغور ..
ده أنا قلبي أبيض م اللبن ..
مفيهوش شرور ..
ده أنا قلبي مليان بالحنين..
لو تعرفي معنى الحنين ..
لو تفهمي كلمة حنين ..
إتكلمي ليه السكات ..
إتكلمي ..
صحِّي القلوب التايهة ..
وسط الذكريات ..
إتكلمي ..
خلينا ننسى جراحنا م الأيام ..
وخلينا ننسى الماضى والحلم إللى مات ..
بَكِت الحروف على جرح قلبي ودمعته ..
قلتلها قدري ..
وأنا وقلبي لِعبِته ..
وإن كان الحب صحى فينا الذكريات ..
فمين هيقدر يوم .. يخالف رغبته ؟!

هناك 13 تعليقًا:

غير معرف يقول...

ده أنا قلبي مليان بالحنين..
لو تعرفي معنى الحنين ..
لو تفهمي كلمة حنين ..
إتكلمي ليه السكات ..
إتكلمي ..
صحِّي القلوب التايهة ..
وسط الذكريات ..اة لو تعرفى معنى الحنين صديقى الغالى عمرو كلماتك تنبض بالحياة تحكى القصة كأنها حقيقيةكانى اراها ارى معك الحب صافيا جميلا على فطرتة...اهنئك من قلبى على ما ابدعت واشكرك لانك امتعتنى بقراءة هذة الكلمات الجميلة

افروديت يقول...

مش عارفه بأيه أوصفك عاشق ولاساحر
بس خليني أقولك أوعي بالحب تغامر

بجدياعمرو أنت موهوب وتستحق نجاح كبير ..

طبعآكلماتي المتواضعة لاترقي لوصف جمال كلمات شعرك

أغلب عمالقة العشاق كانوا فقراء

" كل سنة وأنت طيب"

Dr/ walaa salah يقول...

جميله جدا كلماتك بحق

احييك على قلمك الراقي

مشكور ومنتظره جديدك

زهرة بريئة يقول...

ياااااااه يا عمرو تجنن بجد الكلمات روعة والاحساس اروع والله مش عارفة اوصفلك احساسى انا عشت القصة بتفاصيلها وشفتها ادام عيني واضحة اوى

Dr/ walaa salah يقول...

جينا نهني بالعيد ونقول :

الله يتقبل اعمالك ومبارك عليك العيد
و يعود عليك بصحه وسعاده وعمر مديد

Amr Essam يقول...

غير معرف
حقيقةً لا أجد ما أقوله فكلماتك الرقيقة أسعدتني كثيراً وأخجلتني كثيراً

Amr Essam يقول...

أفروديت

ربنا يجبر بخاطرك يا صديقتي المشاكسة .. تعليقك الرقيق أسعدني للغاية ..أسعدني مروركِ وكل سنة وأنتِ طيبة :)

Amr Essam يقول...

د. ولاء صلاح
أسعدني وشرفنى مروركِ الرقيق وكلماتكِ المشجعة

Amr Essam يقول...

زهرة بريئة

تعليقكِ الرقيق تقدير كبير جداً وثقة اتمنى الحفاظ عليها .. أسعدني مروركِ

Amr Essam يقول...

د. ولاء
كل سنة وانتِ طيبة وعيد سعيد :)

مدام هناء يقول...

حلوة اوى يا عمرو لأ بصراحة اكتر من حلوة . من أجمل ما قرأت

Amr Essam يقول...

مدام هناء
أشكركِ بشدة على مروركِ الرقيق وكلماتكِ الدافئة

غير معرف يقول...

عدم وجودي بـ جانبك .. لآ يعني أني لآ أهتم بـك
"لكـن ظروفي حكمت .. بإن أبقى "بعيدـ
وأن تبقى . . . في القـلب...(*_^)