كلمة بحبك (زجل)

النهاردة جاية بتسأليني ..

قبل مني عملت معاها إيه ؟؟

النهاردة جاية بتلوميني ..

وبتقوليلي ..

الكلام ده قلتهولها قبلي ليه ؟

إسمعيني .. و إفهميني ..

قبل منك كنت تايه ..

كنت ضايع ..

بس اللسان هوا اللسان ...

فالكلام لازم يكون شبه الكلام ..

بس إنتِ لازم تعرفي ..

إنك وهيَ مستحيل ..

تكونوا يوم فوق الميزان..

مش بقول إنك ملاك ..

ومش بقول هيَ الشيطان ..

لكن بقول إني معاكي مختلف ..

نفس الأغاني غنيناها لكن ..

نغمها صوته بيختلف ..

واللحن بيكي بيختلف ..

والكلمة ليكي بتختلف ..

والحب كلمة من مشاعري قلتهالك ..

إسمعيني ..

إفهميني ..

أيوة بحبك ..

صدقيني ..

وإن يوم جرحتك يا حياتي ..

من غير كلام ..

من غير عتاب ..

إمشي وسيبيني ..

ومتخافيش ..

ده إللي زيي..

لويوم يحاول يجرح يتجرح ..

فمتقلقيش ..

وبوعدك ..

إني هكون دايماً معاكي ..

مش هسيبك للظنون ..

ومن النهاردة...

الكلام لازم يكون غير الكلام..

من النهاردة الكلام لازم يكون...

بركان جنون ..

عارفة ليه ؟

علشان بحبك ..

وده آخر كلام !!