الجمعة، 17 أبريل 2009

إتغيرنا ! (زجل).


فاكرة لما كنا يوم ..
بنعيش حياتنا ..
مجروحين من ذكرياتنا..
كان بيواسينا حلمنا..
كنا بنقول إن ماضينا..
مستحيل يجيله يوم ..
يبعدنا فيه عن بعضنا..
لإننا..
حبينا بعض ..
أكتر كتير من نفسنا ..
ولإننا ..
حسينا يومها إننا ..
فعلاً لقينا حلمنا ..
ليه النهاردة بتلوميني على إللى فات ؟
وليه الكلام الحلو على الشفايف ..
يتحول سكات ؟؟
وليه يا حبيبتي الذكريات ..
إتحولت و إتبدلت ..
صبحت آهات ؟!!

ليست هناك تعليقات: