الأحد، 16 أغسطس 2009

أيوه صحيح .. زجل


أيوة صحيح ..
عايزة تسيبي ؟
ياللا سيبيني ..
بس ياريت من غير تجريح ..
أنا من أول مرة قابلتك ..
وإتأملتك ..
كنت معاكي يا عمري صريح ..
أيوه عشقتك و إتمنيتك ..
أيوه هويتك ..
أيوه فرحت بإني لقيتك ..
بعد جراح وعذاب و أنين ..
بعد ما ضاع من عمري سنين ..
شفت معاكي يا عمري الفرحة ..
بعد ما عاش القلب حزين ..
بعد ده كله عايزة تسيبي ؟
أيوه صحيح ..
ياللا سيبيني ..
بس يا ريت من غير تجريح !

هناك تعليق واحد:

غير معرف يقول...

ان يحمل لك انسان ما هذة المشاعر الرائعة فمن المؤكد أنك لن تستطيع أن تنساة أبدا حتى و ان افترقتما
شكرا لك يا فنان