شوق .. (زجل).

حاسس بشوقي بين ضلوعي بيناديكي..

ويحس بيا .. يحس بيكي ..

بس قلبي يا عمري خايف ..

أيوة بحلف إني عارف ..

إنك في يوم هتبعدي ..

وهتسيبيني ..

ورغم بعدك هتلاقيني ..

لسه عاشقك ..

لسه بتأمل ملامحك ..

وهتوحشيني ..

ولأني بعشق لون عينيكي ..

قلبي دايماً بيناديكي ..

وروحي هايمة بعشقي ليكي ..

أيوة بحلف ..

إن عمري يا عمري ليكي ..

حتى لو كان البعاد ..

هيخلي بيننا ألف سور ..

إزاي قوليلي هقدر أبعد ؟

وإنتِ حبك خلى قلبي ..

بعد سنين م الضلمة نور !!