البوست ده أنا بكتبه من الموبايل وأنا على فراش المرض المفاجئ وعلشان كده البوست مش منسق معلش سامحونى . الموضوع بمنتهى الوضوح انى كنت نايم فى سابع نومة وباكل رز وفراخ وصينية بطاطس مع الملايكة وفجأة صحيت على وجع و ألم شديد في كتفي الشمال وطبعاً لأني خبرة في المواضيع دى من أيام الأزمة القلبية الأولى والثانية - و اللى كان تأثيرهم عليا زى تأثير الحرب العالمية الأولى والثانية على ألمانيا بخرج منهم محطم لكنى برجع أقوى من الأول والحمد لله - مسكت الموبايل وطلبت الدكتور والراجل الحقيقة رغم انه كان نايم لكنه رد بسرعة غير متوقعة وبصراحة اهتم جدا جدا فوتر خيره. المهم انه طلب منى انى اركب تاكسى وصمم اوى على موضوع تاكسى ده. يعنى يا دكتور مينفعش عربيه ملاكى أو ميكروباص أو حتى توك توك ؟ الراجل صمم وقالى تاكسى يا عمرو ولو عندك عربيه اوعى تسوق تاخد تاكسى وتروح المستشفى حالا وانا هكلم الدكتور الموجود. الحقيقة الوجع كان بدأ يزول الى حد ما لكن انا كنت قلقان ولهجة الدكتور قلقتنى اكتر وعلشان كده بعد 40 دقيقة كنت في المستشفى ولقيتهم منتظريني كأني رئيس دولة هولوماكوبا . دى دولة لسه هيخترعوها. 10 دقائق بالظبط كنت نايم على سرير فى الطوارئ وجهاز رسم القلب جنب السرير والاسلاك على صدرى وايدى ورجلى ولا كأني وقعت في شبكة عنكبوت. الدكتور الموجود صغير في السن وفى الخبرة كمان لكنه طمننى وقالى مفيش حاجه انت بتتدلع ولا ايه ؟ طبعا أنا جاوبت عليه وانا راسم على وشى كل علامات الاستنكار من سؤالة وقلتله .. معقول يا دكتور تفتكر إنى بتدلع ؟؟ أنا طبعا بتدلع .. ممكن أروح بأه ؟ سكت شوية وقالى واللى يتدلع يستحمل اللى هيحصل له . سيادتك هتستنى معانا 24 ساعة تحت الملاحظة . يااااااااااااااااااااااااااه يا دكتورده انا كده هغير عنواني فى البطاقة واكتب مكانه عنوان المستشفى . 3 مرات ادخل المستشفى فى 4 شهور وكام يوم .. كتير أوى ولا إيه رأيك ؟ ياللا مش مهم .. كلها كام ساعة إن شاء الله .. بس إنتوا إدعولى!
ملحوظة مش مهمة خالص .. لو لسه فى عمر وربنا كتبلى أنى اخرج هبقى أعمل تنسيق للبوست و أختارله إسم ويمكن كمان أحط صورة . ايه رأيكم بأه ؟
هناك ٢٨ تعليقًا:
ربنا يشفيك يا عمرو والف سلامه عليك ربنا معاك وترجع لينا بالسلامه
الف الف الف الف مليون سلامه ياحساس يا عمورى
ياسكر
بعد الشر عنك وربنا يحميك ويحفظك لأهلك
ربنا يطمنا عليك
هدعيلك من قلبى
بعد الشر عليك يا عمرو ان شاء الله تقوم بألف سلامة
سلامة قلبك يا عمرو ربنا يعفى عنك ان شاء الله وربنا يجعلها فى ميزانك ....وأعتقد ان قلبك اتحمل كتير فبينبهك تخف عنه ...استجيب لنداؤه وحاول تزيح عنه أى هموم ...وتنعشه شوية ربنا يعينك ..ويساعدك..
وبعد الشر عنك
سلامتك يا عمرو يا رومنسى طبعا قلبك تعب من كمية النكد اللى كنت بتكتبها ارحم نفسك شوية وطمنى عليك او افتح الموبايل علشان اعرف اطمن عليك
يارب يشفيك
بعد الشر عنك
سلامة قلبك يا جميل يا أبو الإحساس والرومانسيةربنا يشفيك ان شاء الله
ربنا يشفيك ان شاء الله
ايه يا عمرو انت كده قلقتني . انت كاتب ان الدكتور قال 24 ساعة بس كده فات اكتر من 4 ايام . ياريت تطمننى لانى قلقت عليك اوى.
أختك أمانى عبد الرحمن
بحر .. شكراً على تعليقك والحمد لله انا بخير
someone
الحمد لله على كل شئ وشكراً على التعليق
أماني ...
ألف شكر على إهتمامك
زهرة الصبار
شكراً لسؤالك وعلى النصيحة وفعلاً أنا بحاول أنفذها
الأخ والصديق حسن
شكراً على سؤالك والتليفون كان مقفول بتعليمات الأطباء.. سامحنى
غير معروف
شكراً لدعاءك بالشفاء
صديق مخلص
تفتكر يعنى يا حمادة يا روح قلبى أنا مش هعرف أنت مين لما تكتب صديق مخلص ... شكراً على التعليق وعلى المكالمة .. وعندك حق إن الصديق المخلص أندر و أغلى من الماس ..
سماح
شكراً ليكٍ والحمد لله على نعمةالشفاء
كمان وكمان أمانى عبد الرحمن :-)
يا بنتى انا زى القطط بسبع أرواح .. الحمد لله انا بخير .. كل الموضوع ان الدكاترة والممرضات حبونى اوى .. وخصوصاً الممرضات طبعاً :) فحاولوا انى استمر معاهم لأطول فترة ممكنه.
شكراً على إهتمامك
حمدالله على سلمتك ورجوعك لينا بالسلامة وان شاء الله تكون فى احسن حال وخف عن قلبك شويه ارحمه
بحر ..
الله يسلمك وشكراً على التعليق الرقيق
best wishs for you
Madlin
Thank you dear
You know i am reading late, but i knew when u were sick, God is and was with you all the time, you are so nice person and he takes care of you, be sure of this ok (=
Dina
yes dear u r right .. and I must thank God all my life for everything ..
You and good persons are always in my prayers
Dina
thank you dear
regards
You are healthy now in name of Allah
اولا الف لا بأس عليك
وشفاك الله وعافاك
وانا مش عاوزاك تزعل ربنا بيحبك
لان ربنا لما بيحب عبده المؤمن بيبتليه
فأصبر وارضى ولك الاجر بإذن الله
وألف مليون سلامة عليك
ويااااااارب حسك موجود معانا على طول ولا يحرمنا من تواجدك فيها
إرسال تعليق