الأربعاء، ٢٤ فبراير ٢٠١٠

غلط .. غلط ... كلمتين وخلاص!


غلط .. غلط .. غلط .. كل حاجه غلط .. لما كل حاجة تتقلب بقدرة قادر وتمشى بالعكس يبقى أكيد فى حاجة غلط .. لما عقارب الساعة تغير إتجاهها بمنتهى التبجح وتمشي برضو بالعكس يبقى أكيد في حاجة غلط .. ولما البوصلة تتجنن والشمال يبقى جنوب والشرق يبقى غرب يبقى والله العظيم في حاجة غلط ..ولما ندي ثقة بلا حدود لشخص ما ويطلع في الآخر خاين وقذر يبقى فعلاً كل حاجة بقت غلط.

ملحوظة للعلم فقط : ده بوست ملهوش لازمة لا عندي ولا عندكم .. لكن أكيد في شخص ما .. أيوة شخص ما .. فاهم وحاسس .. و أكيد نادم.

هناك ٢١ تعليقًا:

مدام هناء يقول...

الخاين هوا الى غلط مش كل حاجة حولينا بس عندك حق ان كل حاجه ملخبطة ومش عارفين راسنا من رجلينا

eman said يقول...

عزيزى عمرو
الخيانة كلمة كبيرة قوى وتقيلة على النفس واحساس فظيعانك تكتشفه فى احد المقربين ليك ..علشان كده الغلطة انت مشترك فيها لانه كان لازم تختار موضع ثقتك كويس ....واحيانا بيكون الاحساس اصدق وادق

أماني يقول...

ولا يهمك يا عمرو انسان برقتك واحساسك اى شخص آخر يتمنى يكون موجود معه ويخلص ليه . من خانك لا يستحق ان تفكر فيه ولا لحظة
أخك أمانى عبد الرحمن

someone يقول...

حاسه بجرحك والمك والظلم ال عانيت منه فى الخيانه ارجوك متزعلش وارمى ورا ظهرك ولا يستاهل تحزن لحظه بسببه الخاين ده
متزعلش ياعمور

someone2 يقول...

اه يا عمور ماتزعلش اوعي تزعل من الخاين ده

Amr Essam يقول...

مدام هناء ..
شكراً على تعليقك وعلى المتابعة

Amr Essam يقول...

مدام هناء ..
شكراً على تعليقك وعلى المتابعة

Amr Essam يقول...

زهرة الصبار

عندك حق طبعاً في كلامك لأنى فعلاً أنا الغلطان .. شكراً للمتابعة

Amr Essam يقول...

أماني عبد الرحمن
والله يا أمانى انتِ بتحرجينى برقة كلماتك

Amr Essam يقول...

someone
شكرا على اهتمامك ورقة احساسك وعلى المتابعة المستمرة

Amr Essam يقول...

someone
مرة تانيه شكراً على الاهتمام :-)

someone يقول...

فين الجديد ياعمور
نحب نشوف اى حاجه جميله من احساسك حته لو بيت شعر واحد
ياعسل انت ياسكر

افروديت يقول...

شكلك مجروح اوي وده اكيدلانك حبيت بجدوفعلامفيش اي مبررللخيانه ولااي رحمه بيه وعشان كده خساره الوقت اللي ضيعته عشان تكتب البوست ده لحداكيدمش بيعرف يعني ايه حب

Amr Essam يقول...

someone
صدقينى انا مش عارف اكتب .. فعلاً انا بمر بحالة من الجفاف الفكري اتمنى الا تطول كثيراً
شكراً للمتابعة

Amr Essam يقول...

أفروديت ..
شكراً لتعليقك وأتفق معكِ فى الرأى تماماً لكنه قلمي اللعين الذي أبى ان يطاوعني وصمم على كتابة هذا البوست .. شكراً لمرورك الرقيق وأنتظر بشغف حكاياتك مع الميكروباص.

Dina يقول...

!!!!!!!!!!!!!

Amr Essam يقول...

Dina

do you mean that u didnt understand this post or u didnt like it ??

Dina يقول...

I like Amr

وتمضى الايام يقول...

مش عارفة بس اظن انى من الناس اللى اثرفيا البوست دة وفعلا فيه حاجة غلط فينا فى اللى حوالينا هكتشف وابقى اقولك بس معرفش كلمة خاين عدتها قذردى صدمتنى شوية

Amr Essam يقول...

Dina
:)

Amr Essam يقول...

وتمضي الأيام

أعتذر إن كانت تلك الكلمة قد صدمتكِ ولكن يا صديقتي أظنكِ تعلمين أن الإنسان في لحظات غضبه قد تخرج منه بعض من الكلمات بدون تعمد..