الثلاثاء، ١ يونيو ٢٠١٠

خلصت الحكاية .. (زجل).


خلاص تعبت من البعاد ..
ومن جراحك .. من قساوتك ..
من العناد ..
ومن عيون مبيعشقوش .
و أنا إللي زيي بيتجرح ..
من نظرتين مبيرحموش ..
نظرة بعاد ..
ونظرة عتاب ..
ده عمر المشاعر في القلوب ..
ما تكون سراب ..
وعمر الأماني في العيون ..
ما تكون عذاب ..
ولا تنتهي من كلمتين ..
مين إللي حبك ..تعرفيه ؟؟
مين إللي قاسى من الحنين ..
مين إللي عشقك ؟؟
مين إللي كان بيدوب في كلمة حب ..
تنطقها شفايفك ..
مين إنكسر من الجراح ..
مين الحزين ؟؟
مين إللي كانت بسمتك بتشيل هموم ..
سكنت في قلبه من سنين ؟؟
لو تعرفيه هتعرفيني ..
وهتشتاقيلي ..
وهتوحشك أيام جميلة ..
عشنا فيها قريبين ..
كنا فيها حنينين ..
كانت ما بينا الأمنيات ..
حلم السنين ..
لكن خلاص ..
ضاعت يا عمرى الذكريات ..
وماتت في قلبي الأغنيات ..
وندمت على كل لحظة ..
حلمت فيها باللي فات !!


اللوحة : فتاه في المرآة للرسام نورمان روكويل

هناك ٢٤ تعليقًا:

افروديت يقول...

الله ياعمرو..أعتبركلماتك الحلوه أول طريق الشفاء "كثيرآما يكون الحب أصعب داء" خاصة أذاكان مؤلمآ .. تحياتي

someone يقول...

الحب ده اكبر عذاب
ال بيحب اوى بيتعب وال مش عارف يحب برضوا تعبان
محدش مرتاح
القصيده حلوه اوووى رغم اثر الحزن ال فيها

eman said يقول...

الحمد لله يا عمرو ان ربنا قدرك ونسيت لكن ما تندمش على مشاعرك صدقها لن ينقص منك شىء ...........وشدةوفاتت والحمد لله على السلامة

زهرة بريئة يقول...

من وجهة نظرى ان اى ست فى الدنيا بتتمنى انها تلاقى راجل يحبها اوى كده وعلشان كده انا مستغربة انها تجرحك بعد كل الحب ده . كلامك حلو اوى يا عمرو وانا مبسوطة انى بقرألك وبتابعك

someone يقول...

مفيش حب كامل فى الدنيااااااااااااا
ياريت الناس تفهم الكلام ده محدش مرتاح كليا ولا مبسوط اتحدى اى حد يجى يقولى انه مبسوط واخد كل ال نفسه فيه
جايز يكون كلامى فى شوية عصبيه بس مؤكد
ياريت زهرة بريئه تقرأ تعليقى ده بعتذر ياعمرو لو تعليقى ضايقك عايز تمسحه امسحه ومفهاش زعل

محمود المصرى يقول...

الله عليك يا عمرو الصراحه اْنت شاعر ناجح بمعنى الكلمه واْتمنى اْنك تعمل كتاب تجمع فيه اْشعارك وكلامك الحلو والجميل والرائع ده ومهما اْقول مش هقدر اْعبر عن اْعجابى بكليماتك والسلام ختام
متنساش تيجى تشوف الموضوع الجديد ومتنساش التعليق لاْن راْيك يهمنى
اخوك
محمود المصرى

baby يقول...

فى الحب لحظه حنين
والهجر دموع وانين
يا دموع الهجر جفى
واتركى قلبى الحزين
تسلم ايدددددددك

حواء يقول...

هى خلصت الحكاية بجد ؟ مافتكرش طالما لسة فى زكريات بتتعبنا يبقى ماخلصتش

محمود المصرى يقول...

متنساش تيجى تشوف موضوعى الجديد ومتنساش التعليق لاْن راْيك يهمنى
اخوك محمود المصرى

Amr Essam يقول...

أفروديت .. ربما يكون الحب أصعب داء ولكن من منا يستطيع أن يحيا بلا حب ؟؟
إن كان الحب كالداء فصدقينى يا صديقتى سأظل مريضاً إلى الأبد. شكراً على تعليقك الرائع .

Amr Essam يقول...

Someone
ان كان الأختيارين متعبين فأنا أتشرف بإنتمائى للنوع الأول ..
شكراً على تعليقك.

Amr Essam يقول...

زهرة الصبار ..
الحمد لله على سلامتك ونورتى المدونة ..
أعرف يا صديقتي أن مشاعرى لن تنقص منى شئ ولكنها ربما كانت كلمات فى لحظة غضب وخانني فيها التعبير .. أنا يا صديقتي لأ يمككني الندم على مشاعر جميلة .. ولا أجد فى نفسى حرجاً من أن أعترف أننى كنت قاسياً فى كلماتي على نفسى قبل أن يكون على (الآخر) .. صديقتي العزيزة .. شكراً لكٍ .

Amr Essam يقول...

زهرة بريئة
ربما يمكنكِ الإحساس بمشاعر الأنثى كونكِ أنثى أيضاً ولكن أحيانا تشكل الظروف المحيطةعائقاً أمام الإستمرار .. وفى النهاية يجب الرضا بقضاء الله وكما يقولون (كل واحد بياخد نصيبه).
شكراً لتعليقك ولمتابعتك المستمرة.

Amr Essam يقول...

someone
أختلف معكِ مرتين يا صديقتي ..
الأولى : أحترم وجهة نظرك تماماً و إن كنت أختلف معكِ فيها لأنني مؤمن بكلمه بسيطة جداً فى حروفها , قوية جداً في معناها وهي (الرضا).
فكرى فى كلماتى يا صديقتي وانا واثق أنكِ ستراجعين نفسكِ.
الثانيه: نحن كبشر لكل منا وجهة نظرة وحتى إن أختلفنا فى وجهات النظر مع بعضنا البعض أو مع الآخرين (كرأى زهرة بريئة) لا يجب أن يكون الحوار بهذه العصبية. لن أمحو تعليقك يا سيدتي فأنا لم أفعل ذلك ولن أفعله أبداً إن شاء الله .. تحياتي !

Amr Essam يقول...

محمود المصري

أخجلت تواضعي يا صديقي .. وبالنسبة لموضوع الكتاب إنتظر مفاجأة قريباً جداً إن شاء الله .. وهبعتهالك لحد البيت كمان .. ايه رأيك بأه ؟؟ :-)

Amr Essam يقول...

baby
كلماتكِ الرائعة أثرتني و أسرتنى :)
تشرفت بزيارتكِ لمدونتى البسيطة وسعيد بزيارة مدونتكِ
تحياتي.

Amr Essam يقول...

حواء

شكراً على تعليقك الرقيق وبخصوص التساؤل فدعينا لا نسبق الأحداث يا صديقتي .. ومن منا يستطيع أن يعرف ما سيحدث غداً؟
تشرفت بمروركِ الرقيق.

Amr Essam يقول...

محمود المصري

حالاً هكون عندك يا صديقى وإن شاء الله هيعجبنى الموضوع لأنى عارفك وعارف قلمك الواعي .. تحياتي.

Dina يقول...

Life without love is nothing

Amr Essam يقول...

Dina ..

mira querida .. Yo sé que usted está utilizando el traductor de Google, pero, no puede darle traslación fuerte porque no es un poco diferente entre el árabe egipcio y el árabe que se utiliza en google! gracias por su comentario de nuestros agradables y por favor, comente la próxima vez español y no se preocupe Yo hablo bien el español.

Dina يقول...

Thanks for the advice my dear!!! I prefer to write in english, or may be french!

Amr Essam يقول...

Dina
ur welcome dear .. ok write via any language which u prefer .. English , Spanish or French and don't worry I will understand what you will write .. I can speak all of it .. best regards for u

Dina يقول...

You know i can write you in spanish but u will spend a lot of time trying to understand me, or may be you dont have good signal, then i prefer english is more easy for you Amr, regards

Amr Essam يقول...

Dina

ok dear .. thnx for ur nice comments ..