الأربعاء، ١ سبتمبر ٢٠١٠

نسيت ..(زجل).



راجعالي ليه ؟
وبكل غرور الدنيا بتسألي ..
إنت نسيت ؟؟
أيوة نسيت ..
أنا من كتر القسوة بشوفها ..
جوه عيونك ..
غصب عني يا عمري قسيت
هو أنا ذنبى إني هويت ؟
ولا أنا ذنبي لما لقيتك ..
أكبر كدبة ..
إني سامحت عشان حبيت ؟
ياما زمان في هواكي تعبت ..
وإتألمت ..
وياما في ليل الوحده الكاتم ..
على أنفاسي ..
بحزن دموعي الحرة بكيت ..
جاية تلومي إني نسيتك؟
وإني خلاص من قلبي لغيتك؟
طيب ليه ؟
هو الواحد لما بيزرع ..
كدب وقسوة هيحصد إيه؟
وإنتي كدبتي .. وإنتي خدعتي ..
وإنتي جرحتي وإنتي وجعتي ..
وجاية تقولي إني أنا بعتك ..
وإني نسيت؟
أيوة نسيت !

هناك ٤ تعليقات:

زهرة بريئة يقول...

روعة يا عمرو

مدام هناء يقول...

حلوة جدا لكن ال بيحب ممكن ينسا؟

Amr Essam يقول...

زهرة بريئة

شكراً يا صديقتي

Amr Essam يقول...

مدام هناء

الحب الحقيقى يا صديقتي كالوشم على القلب .. لا ينسى ولكن الخيامة والقسوة يقتلان الحب فى القلوب فيموت ويترك لنا بعض الذكريات .. شرفنى مرورك