على البعاد إتعودي .. (زجل).

خلاص يا عمري ..

على البعاد إتعودي ..

وبشوق وحسرة إتنهدي ..

وإفتكرى لما كنتِ يوم ..

عن حضن قلبى بتبعدي ..

إتعودي ..

وبكل إصرار الحماقة إبعدي ..

لكن عيوني هتوحشكْ ..

وهتشتاقيلي ..

زي شوقك للسعادة ..

للأمنياتْ ..

وهييجي يوم تتمني نرجع للي فات ..

تتمني نبني على الرمال..

قصرين وبيت م الذكريات ..

تتمني من بين الدموع ..

يرجع لنا الحب إللي مات ..

لكن يا عمري ..

يا حب عمري ..

عمر الدموع ما هتحيي حاجه ..

من الرفات !!