الاثنين، 23 يناير، 2012

هوى عيونك (زجل).


أنا قلبي بيتهدهد ..

على شَعْرِك ..

في ليل مسدولْ ..

ووسط عيونك الحلوة ..

بيتهجى كلام ويقولْ ..

أنا م العشق يا غالية ..

بشوفك كل أيامي ..

ولو كان البعاد ساكن ..

في أحلامك وأحلامي ..

حنتواجه مع الماضي ...

بأوجاعه و أحزانه ..

ونتحدي من الأيام..

جرح كبير بنسيانه ..

وأرجع تاني أقولهالك ..

أنا قلبي بيتهدهد ..

على شَعْرِك ..

في ليل مسدول ..

وأرجع تاني من شوقي ..

لهوى عيونِك ..

أكون مقتول !!

ليست هناك تعليقات: