خطيئة (زجل).

كنت فاكر ..

إن بينا ..

شوق وحب ..

قلب يعشق ..

بكل دَقَّة ..

وقلب حَبْ ..

بس جرحك ..

جوه مني ..

كان خطيئة ..

و مين هيقدر ..

يوم يغَّير الحقيقة ؟

ذبحتي فيا ..

بقتل قلبي ..

حاجات بريئة ..

وخنقتي فيا ..

آخر حكاوي الذكريات ..

مع إني ياما ..

زمان حكيت ..

إني بحبك من سكات ..

وكنت بحلف ..

إنك في عيني ..

أجمل جميلات البنات ..

إبعدي لو كنتِ شايفة ..

أن حبي بيخنقك ..

وإهربي لو كنتِ حاسة ..

إن قلبي بيظلمك ..

مش حعترض ..

مش حجرحك ولا حألمك ..

لكن حسيبك للزمن ..

وأكيد في يوم حيعلمك !!