الأربعاء، 7 ديسمبر 2011

خلص الكلام (زجل)


خلاص ... خلص الكلام ..

خلصت حكاية حبنا ..

خلصت حكاية شوق ولهفة ..

عاشت ليالي في قلبنا ..

ضاع الفرح وسط الظلام ..

والأمنيات إتحولت ..

وبقت حطام ..

دلوقتي بس عرفت إني ..

خسرت حب ميتوصفش بالكلام ..

ودلوقتي بس فهمت أنا..

يعني إيه معني الخصام ..

يعني إيه إتنين يحسوا بإنهم ..

زي التوائم في الرحم ..

يعني إيه الحب يملا قلوب ..

بشوقه فتلتحم ..

ونيجي إنهارده ننفصل ..

ونتقسم ..

ونشوف طريقنا بيرتحل ..

من غير كلام ..

ونقول خلاص .. خلص الكلام !!

عمرو عصام ®

ليست هناك تعليقات: