أشواق (زجل)

أيوة هقولهالك بصراحة ..

أنا مخنوق ..

نفسي أحس بحبك ليا ..

يمكن أفوق ..

نفسي غروب الشمس الصافية ..

جوه عيونك ..

يبقى شروق ..

نفسي نعيش الحلم الطيب ..

مهما يكون ..

نجري ونحلم ..

إن حياتنا فرح مجنون ..

وهمس الحب الساكن فينا ..

مهما أتألمنا يراضينا ..

نزعل يمكن ..

لكن نرجع ..

نحلم تاني بيوم يلاقينا ..

هي الدنيا إيه تساويه ..

أكتر من قلبين يتعاهدوا ..

بين الناس ..

يرسموا وسط الليل الكاتم ..

ع الأنفاس ..

نجمة وبدر ..

ووش بيضحك ..

بالحنية والإخلاص ..

ليه يا حبيبتي ..

بتبعدي قلبي ..

إللي بينبض بالإحساس ؟؟

عارف إني غلطت كتير ..

أيوة كتير ..

ومين في العالم مبيغلطش ؟؟

حد صغير ولا كبير ..

أيوة غلطت ..

لكن يا حبيبتي خلاص حبيتك ..

وإتغيرت ..

ووسط عيونك إتصورت ..

ولقيت نفسي بشكل جديد ..

قلب سعيد ..

حب بنيته في لحظة صدق ..

كنت بشوفه حلم بعيد ..

ليه القسوة وأنا محتاجلك ؟؟

وحضني من شوقه بيندهلك ..

ليه وأنا قلبي لسه بينبض ..

من بين ضلعك ..

إديني فرصة وسامحي وحنِّي ..

سامحي و حنِّي ..

وإرسمي شوق الكون بعيونك ..

يداوي جراحي .. ويطمني !!