السبت، ١٧ ديسمبر ٢٠١١

إبعديني (زجل).

لسه ساكنة جوه مني ذكرياتك ..

رغم دمعات السكات ..

ورغم إن الحب فينا ..

إندفن قبل الممات ..

هو ذنبي إنك إنتِ ..

كل حلم حلمت بيه؟؟

ولا لازم أقولها إني ..

إندبحت من الآهات ..

إكدبي على قلب حبك ..

وإرسمي قلبين ونجمة ..

يضحكوا ع الذكريات ..

إحلفي إنك سعيدة ..

وإن الحياة من غير وجودي ..

بتترسم ...

أشواق جديدة ..

وإن الجراح بعد الفراق ..

هتكون بعيدة ..

وإني أنا ..

بإيديكي ممكن تقتليني ..

وقولي إنك لو قدرتي تلمسي ..

آخر وريدي هتدبحيني ..

مش هناقشك .. مش هلومك ..

ابعدي عن حضن قلبي ..

وإبعديني !!

هناك تعليقان (٢):

غير معرف يقول...

نتناسا ... لعلنا ننسى ... سعيده بعودتك بعد انقطاع ..

تقبل مروري

غير معرف يقول...

حلوةةةةةةة جدااا ,ياربي ايه الاحساس ده ايه كل الحب ده